nogom elbida

اهلا بيك يابيه نورت والله بس بسرعه سجل عشان تركن جنب اهلك وناسك ياخويا
nogom elbida

كل الاخبار عن قريه البيضاء

أفضل 10 أعضاء في هذا الأسبوع


    سعدية الصعيدية وميدو الاستايل

    شاطر
    avatar
    fati
    بيضاوى فعال

    عدد المساهمات : 121
    تاريخ التسجيل : 12/07/2009

    سعدية الصعيدية وميدو الاستايل

    مُساهمة من طرف fati في الإثنين يوليو 13, 2009 1:47 pm

    الحلقه الاولى جه جواب التنسيق لسعديه وفتخت الجواب لقت جامعه القاهره سعديه : يا دى اليوم لاسود انهرده يادى النيله ام سعديه : ايه يابتى مالك سعديه : الحجى يامه جواب التنسيج جه القاهره ام سعديه : وماله يابتى عمك هناك روحى عند عمك سعديه : انا مش بطيج مرته دى الى عامله زى ام اربعه واربعين ام سعديه :معلش يابتى ايام وجضيها وخلاص سعديه :امرى لله انا عارفه حظى اسود من يومه هروح وخلاص وجه معاد السفر ركبت سعديه القطر وفى طريقها للقاهره سعديه : يا سوادى هى السكه مالها طويله جوى ليه كده يا مهون هون علشان انا زهجت ومليت من الجعده دى وصلت سعديه وراحت عند عمها خبطت على الباب فتحت مرات عمها سعديه : اهلا يا مرت عمى مرات عمها : مين سعديه سعديه : ايوه سعديه امال هيكون عفريتها ولا ايه مرات عمها : ازيك يا بنتى منوره عمها يجري على الباب و يقول مين سعدية ازيك يا بتى واللي في البلدعاملين ايه سعديه : طيب مش تدخلونى وبعدين تسلموا ولا هنجضيها سلامات من على الباب الشنطه خلعت كتفى عمها : ادخلى يا بنتى اهلا وسهلا ورحبوا بيها وسلمت على عمها واولاده وتانى يوم كان الدراسه صحيت بقى سعديه واستعدت وراحت على الجامعه مع عمها لانها متعرفش السكه دى اول مره هتروح فيها وصلها عمها وشرحلها الطريق دخلت سعديه الجامعه لقت بنات بقى وشباب استايل اوى اول مره تشوف كده سعديه : وى وى وى وى وى يا بوى ايه الى البنات عاملينه فى نفسهم ده المحزج والملزج وايه الالوان الى فى شعرهم دى استغفر الله العظيم يا ربى والولاد مالهم كده مطولين شعرهم وموجفينه زى ما يكونوا مكهربين دول ما يجلوش حاده عن البنات عشنا وشفنا وانا مالى انا الحج بجى محاضراتى ودخلت بقى سعديه قاعه المحاضرات بتدور على مكان تقعد فيه سعديه : ايوووووووووه يا ولاد ايه الى بيحصل ده الاولاد جمب البنات كده وملزجين فى بعض انا هجعد زيهم كده لا والله لا يمكن ابدا انا هفضل واجفه احسن دخل الدكتور لقى كل الناس اعده الا هى بيقلها يا بنتى اعدى سعديه : اجعد ازاى يا دكتور جمب الولاد كده عادى لا والله ما يحصل ولا يكون الدكتور:ههههههه اعدى جمب اى بنت طيب اى حد يا بنات يقعدها جمبه وحده من البنات قالتلها تعالى هنا جمبى اعدت سعديه واتعرفت عليها انتى اسمك ايه قالتلها اسمى ندى وانتى قالتلها سعديه المهم بعد ما خلصت المحاضره اتعرفوا على بعض وبقوا صحاب اوى وخلص اليوم وخلصت المحاضرات وجه معاد انها تمشى لبيت عمها خرجت سعديه هى وندى وبعدين تاااااااااااااااااااااابع فى الحلقه الجايه[b]
    avatar
    امبراطورة الغرام
    بيضاوى متميز

    عدد المساهمات : 384
    تاريخ التسجيل : 19/05/2009

    رد: سعدية الصعيدية وميدو الاستايل

    مُساهمة من طرف امبراطورة الغرام في الإثنين يوليو 13, 2009 4:01 pm

    هههههههه متتأخريش علينا في الحلقة الجاية بأه


    _________________
    [img]


    وعود كتير سمعتها * ولا شوفت حاجة منها * حبك في قلبي اه انتهى *



    f + m + h + h + r+ y + l = friendship 4ever
    avatar
    arwa
    بيضاوى فعال

    عدد المساهمات : 131
    تاريخ التسجيل : 22/05/2009

    رد: سعدية الصعيدية وميدو الاستايل

    مُساهمة من طرف arwa في الإثنين يوليو 13, 2009 4:25 pm

    هههههههه حلو اوي الموضوع دا ومستنيين جديدك
    avatar
    fati
    بيضاوى فعال

    عدد المساهمات : 121
    تاريخ التسجيل : 12/07/2009

    رد: سعدية الصعيدية وميدو الاستايل

    مُساهمة من طرف fati في الإثنين يوليو 13, 2009 5:21 pm

    يسلمو على المرور
    avatar
    كابتن هيما
    بيضاوى فعال

    عدد المساهمات : 149
    تاريخ التسجيل : 10/07/2009

    رد: سعدية الصعيدية وميدو الاستايل

    مُساهمة من طرف كابتن هيما في السبت يوليو 18, 2009 9:35 pm

    ههههههههههههههههههههههههههه جامده البت سعدية ديية مستنين الحلقة الجاية
    avatar
    ahmad
    بيضاوى سوبر

    عدد المساهمات : 269
    تاريخ التسجيل : 15/07/2009

    رد: سعدية الصعيدية وميدو الاستايل

    مُساهمة من طرف ahmad في الأحد يوليو 19, 2009 12:20 am

    تسلمي على الموضوع الهايل ده
    avatar
    احلى بنوتة
    بيضاوى فعال

    عدد المساهمات : 113
    تاريخ التسجيل : 16/07/2009

    رد: سعدية الصعيدية وميدو الاستايل

    مُساهمة من طرف احلى بنوتة في الإثنين يوليو 20, 2009 8:34 am

    فين الحلقة التانية بقى انتي نسيتي يابنتي ولا ايه ؟؟

      الوقت/التاريخ الآن هو الجمعة ديسمبر 14, 2018 2:21 am