nogom elbida

اهلا بيك يابيه نورت والله بس بسرعه سجل عشان تركن جنب اهلك وناسك ياخويا
nogom elbida

كل الاخبار عن قريه البيضاء

أفضل 10 أعضاء في هذا الأسبوع


    ازاااي تخلع من حبيبتك

    شاطر
    avatar
    كابتن هيما
    بيضاوى فعال

    عدد المساهمات : 149
    تاريخ التسجيل : 10/07/2009

    ازاااي تخلع من حبيبتك

    مُساهمة من طرف كابتن هيما في الإثنين يوليو 20, 2009 4:54 am

    أحلى طريقة تخلعوا بيها من البنات
    الى كل روميو اتخنق من جولييته و عايز يغير او يبدل او يبطل
    المهم انه ناوى يخلع بأي طريقه
    الاول عايزين نتفق اننا بنفكر ازاى نخلع و من غير ما نخسر
    بص يا باشا
    الطريقه الاولى
    غلطه مطبعيه
    فى نص الليل و الدنيا ضلمه ( ماهى اكيد ضلمه طبعا ) افتح ايميلك و ابدأ فى كتابة رساله لحبيبة القلب اوصفلها كل مشاعرك الفتاكه .. احكيلها عن كل حالات الحب و الانصهار العاطفى اللى بتجتاحك لما بتفكر فيها .. احكيلها عن كل احلامك و امنياتك و البيت الحلم الجميل و البيت الصغير و العيال اللى زى القمر اللى هما نتيجة الهرتله دى كلها .. بس فيه حاجه يا معلم بعد ما تخلص كل كلامك عايزك تعمل حاجه صغيره اكتب فى اخر سطر بحبك يا مروه و طبعا مش محتاج اقول لك ان حبيبتك اسمها هند و ابقى قابلنى لو عبرتك تانى

    الطريقه التانيه
    التاااااااااااا اااااااار
    انزل لها فى يوم منيل على الصبح كده و انت لابس جلابيه صعيدى و شايل كفن على ايدك طبعا هتسألك على منظرك ده جه منين سعادتك هتروح متكلم صعيدى برضو و تقول لها ان ابن خالة مرات عمة جوز خالتك عليه تار فى الصعيد الجوانى و مفيش حد ينفع يتقتل فى الحوار ده غيرك ... يا كده يا تتجوز بنت اصحاب التار .. و طبعا انت رفضت بكل عزة و اباء انك تضيع حبكم علشان حتة موته لا راحت ولا جت فقررت انك تموت ولا انك تتجوز غيرها ابدا ابدا ابدا طبعا رد الفعل الطبيعى ان المسطوله اللى بتحبك هتشترى هى الشبكه علشان تتجوز المسطوله اللى انت اخترعتها

    الطريقه التالته
    المرض البطال
    و انت قاعد معاها فى اى كازينو وقت الغروب اسرح فى منظر الشروق و سيبها هى تلالى مع نفسها و اكيد هتاخد بالها انك سرحان .. عايزك و انت سرحان كده متبقاش سرحان بجد لا اوعى .. انت هتبقى مركز فى اى نقطتين دموع تنزل من عينك و طبعا المعلمه هتتخض من منظرك خصوصا انك مكونتش بتبطل رغى قبل كده و هتسأل مالك ... هنا بقى وقت الدمعتين .. اوعى تبصلها .. قول لها و انت شارد برضو انك من زمان كنت حاسس ان صحتك مش ولابد و امبارح بس روحت للدكتور و طلب منك تحاليل و النتيجه طلعت النهارده الصبح .. و اسكت .. هتسألك طلع عندك ايه ؟! هتسكت شويه و بعدين تقرر تقول لها طبعا انت عارف طلع عندك ايه ؟ لا طبعا يا ناصح سرطان ايه بعد الشر انت طلع عندك انفلوانزا الطيور هى الموضه دلوقتى يا عم و قبل ما تستوعب الموقف سيبها و امشى تبلع الصدمه مع نفسها بقى و بالمره تحاسب هى على العصير

    الطريقه الرابعه
    البن
    ايوه البن ايه عمرك ما شربت قهوه؟!! اتصل بيها الساعه 7 الصبح و حاول يكون فى يوم سقعه و مطر و صيف و بهدله بحيث انها تبقى جايه مش مركزه اصلا و اول ما تشوفها قول لها ان عمك اللى عنده مزرعة بن فى البرازيل بعت لك عقد عمل عنده فى المزرعه بتاعته .. و طبعا دى شغلانه عمرك ما هتعرف تعوضها عندنا علشان احنا فى مصر مش بنزرع بن اصلا .. ليلى انا مش هقدر اعذبك معايا اكتر من كده .. ليلى .. البن اقوى منى و متنساش بعد كام شهر تبعت لها كيسين بن برازيلى محوج من عند البقال اللى على اول شارعكم علشان تصدق انك هناك
    ملحوظة : أي خطأ في التنفيذ هتروح في ستين داهية يا صاحبي
    avatar
    احلى بنوتة
    بيضاوى فعال

    عدد المساهمات : 113
    تاريخ التسجيل : 16/07/2009

    رد: ازاااي تخلع من حبيبتك

    مُساهمة من طرف احلى بنوتة في الإثنين يوليو 20, 2009 8:30 am

    يابني ما تقتلها من سكات احسن ههههههههههه ميرسي عالتوبيك
    avatar
    elbob
    بيضاوى سوبر

    عدد المساهمات : 270
    تاريخ التسجيل : 13/07/2009
    العمر : 23

    رد: ازاااي تخلع من حبيبتك

    مُساهمة من طرف elbob في الثلاثاء يوليو 21, 2009 9:09 pm

    هههههه ثانكس يا مان
    avatar
    امبراطورة الغرام
    بيضاوى متميز

    عدد المساهمات : 384
    تاريخ التسجيل : 19/05/2009

    رد: ازاااي تخلع من حبيبتك

    مُساهمة من طرف امبراطورة الغرام في الثلاثاء يوليو 21, 2009 9:54 pm

    ههههههههههههه انتو بتكرهونا اوي كده ؟؟؟


    _________________
    [img]


    وعود كتير سمعتها * ولا شوفت حاجة منها * حبك في قلبي اه انتهى *



    f + m + h + h + r+ y + l = friendship 4ever
    avatar
    Admin
    Admin

    عدد المساهمات : 306
    تاريخ التسجيل : 01/05/2009
    العمر : 27

    رد: ازاااي تخلع من حبيبتك

    مُساهمة من طرف Admin في الثلاثاء يوليو 21, 2009 11:19 pm

    يابنى هوا حد لاقى حد يحبه اليومين دول
    الحب بقى عمله نادره اوى
    avatar
    الشاعر
    بيضاوى نشيط

    عدد المساهمات : 71
    تاريخ التسجيل : 03/05/2009

    رد: ازاااي تخلع من حبيبتك

    مُساهمة من طرف الشاعر في السبت نوفمبر 21, 2009 9:50 am

    على فكره انت مبتقدرش الحب

      الوقت/التاريخ الآن هو الجمعة ديسمبر 14, 2018 1:22 am