nogom elbida

اهلا بيك يابيه نورت والله بس بسرعه سجل عشان تركن جنب اهلك وناسك ياخويا
nogom elbida

كل الاخبار عن قريه البيضاء

أفضل 10 أعضاء في هذا الأسبوع


    ازاي تضايق حد وهو نايم

    شاطر
    avatar
    كابتن هيما
    بيضاوى فعال

    عدد المساهمات : 149
    تاريخ التسجيل : 10/07/2009

    ازاي تضايق حد وهو نايم

    مُساهمة من طرف كابتن هيما في الإثنين يوليو 20, 2009 4:59 am

    عزيزي الصاحي اذا كنت تعاني من أرق لأي سبب و حاقد على واحد نايم او اذا طق فيوز النداله فجأه عندك أو عرق الرزالة بيوجعك وقدامك واحد نايم وعايز تصحيه بأي طريقة ... ماعليك الا ان تتبع الخطوات التاليه 1) اذا كان في عز نومه وانت مانمتش أو مش جايلك نوم ادخل الغرفه وشغل النوووور واطلع بمنتهي البرود كأنك لم تفعل شيء. إذا كان نومه خفيف هايصحي وقولك ( إطفي النور يا حـيوان ) طبعا إحنا إتفقنا إنك بارد لذلك نفضله خالص و تذكر القانون الأول لنيوتن في التنفيض " لكل فعل له تنفيضة مساوية له في المقدار و مضادة له في الإتجاة " . أما لو كان نومه تقيل يبقي تستعمل الطريقة رقم 2 2 ) إكتشف إن في بيتكم سرير وعايز تتأكد إن كل حاجه تمام و إن السرير رجليه مظبوطة طبعا دا السرير إللي أخينا نايم عليه ويمكنك ساعتها القيام بالكثير من التخبيط و الدق وتحريك السرير ولكن إنتبه فقد يصحو من النوم فيجدك تحت السرير او رأسك في متناول يده فلا أحد يعلم ساعتها ماذا يمكن أن يحدث لو كان من هواة النوم وبجوارهم مفتاح إنجليزي .. لذلك أنصحك أن تهز السرير هزات عنيفة حتي يستيقظ وقبل أن يفيق تماما أجري بأقصي سرعة 3) اذا كنت مقهــــــــور من واااحد ناايم العصر او الظهر أدخل الغرفه وغطيه كويس و إقفل المكيف واطلع ولا تنسى أن تغلق الأبواب والنوافذ. واذا كانت في دفايه بالغرفه , ياعيني شغلها بقي علي أسخن حاجة وسيبه واطلع بره كأنك لا تعرف عن الأمر شيء . لسه ما قامش ؟؟ إوعي تيأس 4) لو كان لسه ماقامش !!! ماتعملش حاجة من اللي سبق ذكره إنما بهدوء حط ايدك على الراديو وشغل محطه خرباااانه و يا حبذا لو كانت بتاعت أغاني هابطة من نوعية ( حبيبي فوق حبيبي تحت حبيبي رايح حبيبي جاي ) وعلي الصوووت على الآخر و امشي إنت كمل مشاهدة التليفزيون . 5) اذا كان لسه نايم وانت شبعااان نوووم بس عايز تتونس: جيب ماء باااارد وقرب من النايم وقطر على جبهته قطره قطرة هايترعش ويمسح جبهته فاكرها نمله ولا حاجة . واقعد كده لحد ما يصحي أو يقوم يرزعك قلم محترم علي وشك ويكمل نوم 6 ) خذ منديل ولفها لحد ما يبقي على شكل العود... الغرض ان يكون نهاية طرفه حاد .. وبس يا معلم .. ممكن تحطها في ودنه ( الحركة دي مستفزة جدا ومجربة ) ممكن تحطها في فمه ممكن تحطها في أنفه بس مش لجوة أوي يعني لو صحي يبقي إحتمال إنه يفرجك علي عنبر الكسور في أي مستشفي قريب من بيتكم واذا مانجحتش كافه الطرق اللي فوق... تأكد انه مش آدمي . . خليه نايم واطلع بدل ما يجيلك شلل نصفي اواقلكم رشو عليه ميه من الثلاجه
    avatar
    elbob
    بيضاوى سوبر

    عدد المساهمات : 270
    تاريخ التسجيل : 13/07/2009
    العمر : 23

    رد: ازاي تضايق حد وهو نايم

    مُساهمة من طرف elbob في الإثنين يوليو 20, 2009 5:07 am

    مرسي يافاتي
    avatar
    كابتن هيما
    بيضاوى فعال

    عدد المساهمات : 149
    تاريخ التسجيل : 10/07/2009

    رد: ازاي تضايق حد وهو نايم

    مُساهمة من طرف كابتن هيما في الإثنين يوليو 20, 2009 5:08 am

    فاتي مين هو انت مششايف اسمي انا اسمي هيما
    avatar
    احلى بنوتة
    بيضاوى فعال

    عدد المساهمات : 113
    تاريخ التسجيل : 16/07/2009

    رد: ازاي تضايق حد وهو نايم

    مُساهمة من طرف احلى بنوتة في الإثنين يوليو 20, 2009 8:25 am

    شكله احول هههههههههههه ميرسي اوي ياهيما واوعدك اني هجرب الحاجات دي فيك هههههههههههههه

      الوقت/التاريخ الآن هو السبت أغسطس 18, 2018 2:04 pm