أشهر جمل بيقولوها الأب و الأم في مصر ...*...*...*... * ...*...*...*... *...*...*...*.. .*...*... * ربنا يرزقك بعيل يوريك اللي ورتهوني . * جتها نيلة الى عايزة خلف تيجى تتفرج . * امشى جاتك مشش فى ركبك. * رحلة ايه ان شاء الله, على أيامنا ماكوناش بنتطلع زفت رحلات . *أوعا حد يضحك عليك ويقولك جرب السيجارة دي. * ايه الا مبالاه و الاستهتار اللي انت عايش فيهم دول . * قوم اقرا لك كلمتين ينفعوك . * وطي المدعوق ده شويه . * انت فاكرنا نايمين على ودانا ؟ * بلاش أكل بره . *ياريتك تحفظ دروسك زى مانت حافظ الاغانى. * عيـــب ... لازم تحترم اللي أكبر منك . * لو شفت خناقه ما لكش دعوة بيها . * كريم دا عيل بايظ وماتمشيش معاه تاني . * مين منى دي انت كل يوم تصاحبي واحدة جديدة ؟. * انته مبتكلش جزر ليه .. اجيبلك برتقانه. طب كل سلطه . * يبني بأسلوبك ده مش هتعيش معاك واحده . * قومي ساعدي امك ده اللي هيتجوزك أمه داعية عليه. * اوعى حد غريب يديلك حاجه تاكلها و تشربها و تاخدها منه . * يا ابني حرام عليك الى بتعمله فينا ده. * انا سايبالكوا البيت وماشية ومش حتشوفوا وشي تاني . * ما تعليش صوتك . * وانت فاكر احنا مستنيين منك حاجه . * المسلسل مش هينفعك ...قوم . * متفتحش الباب لحد و انت لوحدك و متدلدلش راسك من شباك العربيه . * كفايه رغي في التليفونات . * كل على مهلك .. وامضغ كويس ... وما تكلش وانت واقف .. وكل من قدامك ما تحفش . * اطفي التلفزيون وقوم ذاكر ولا و خش اوضتك . * ربنا يهديك ربنا يهديك ... وأحيانا .. انك لا تهدي من أحببت . * صليت العصر ؟! * بلاش تمشى حافى البس شبشب وانته داخل الحمام . * ما فيش مذاكرة على المزيكا .. وازاى بتذاكر و البتاع ده شغال جنبك . * افرد ظهرك . * لم شراباتك. * ماتكلش فى ضوفرك. * كنت فين لحد دلوقتى يا صايع. * ماتتأخرش علشان عندك كلية بكرة بدرى. * انا مش عارف انته طالع لمين. * انا : ياماما بقه ايه ده ؟؟؟ ماما:مووو لمـا يــــــخدك . * ده منظر اودة بني آدم ، انت عايش فيها ازاي؟. * هو انا الخدامه الى ابوكم جبهلكم . * الى يطلع من الاوضه يطفى النور وراه . *أبوك عندك أهو اتصرف معاه . * اللي بيشيل قربه مخرومة بتخر عليه لوحده .. * لو مش فاهم حاجه ارفع ايدك و قول للأستاذ مش فاهم .. متتكسفش . * البس فنله قطن تحت ودفي سدرك ودخل التيشرت في بنطلون البيجامه وانته نايم . * يأبنى المذاكره مابتخلص .... نفسى اشوفك مره ماسك كتاب. * اعمل حسابك مش حندخلك جامعه خاصه. * قالب ليلك نهارك طول الليل صاحى وطول النهار نايم طبعاً ما حضرتش ولا محاضرة ولا سكشن , وطول اليوم صايع بره البيت . * مالكش دعوة بالسياسة .. وماتمشيش في مظاهرات . * احمد ربنا الاكل الى مش عجبك ده فى ناس مش لقينه . * التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح . * قومي سخني الأكل لأخوكي. * ومن اشهر الجمل الى بتتقال كل يوم بعد الاكل : انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض. * و أخيرا :: ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع ) ههههههههههههههه ههه وخصوصا المثل ده يارب يعجبكم
أفضل 10 أعضاء في هذا الأسبوع
لا يوجد مستخدم |
2 مشترك
اشهر جمل يقولها الاب والام فى مصر
كابتن هيما- بيضاوى فعال
- عدد المساهمات : 149
تاريخ التسجيل : 10/07/2009
- مساهمة رقم 1
اشهر جمل يقولها الاب والام فى مصر
elbob- بيضاوى سوبر
- عدد المساهمات : 270
تاريخ التسجيل : 13/07/2009
العمر : 28
- مساهمة رقم 2
رد: اشهر جمل يقولها الاب والام فى مصر
مرسي
كابتن هيما- بيضاوى فعال
- عدد المساهمات : 149
تاريخ التسجيل : 10/07/2009
- مساهمة رقم 3
رد: اشهر جمل يقولها الاب والام فى مصر
تسلم يا بوب على مرورك
السبت أبريل 14, 2012 2:08 am من طرف Admin
» القارئ الشيخ جمال الغريب
السبت أبريل 14, 2012 2:03 am من طرف Admin
» حصريا اغنيتين محمد منير - قلبي ميشبهنيش وامجاد يا عرب Cd Q 320kpbs من الالبوم القادم
السبت أبريل 14, 2012 1:45 am من طرف Admin
» حصريا ::اعادة رفع فيلم حد سامع حاجه :: جودة DvDrip :: نسخه اصليه ومضغوطه :: جوده عاليه :: وصلات متعدده ومباشره
الخميس سبتمبر 23, 2010 1:15 pm من طرف طائر بلا أجنحة
» الفتاة التي فقدت بصرها ليلة زفافها
السبت يونيو 26, 2010 2:11 pm من طرف امبراطورة الغرام
» &&^ كلمات البوم خالد سليم 2010 ^&&
الجمعة يونيو 25, 2010 3:37 pm من طرف امبراطورة الغرام
» &&^ كلمات البوم تامر حسني اخترت صح ^&&
الجمعة يونيو 25, 2010 3:23 pm من طرف امبراطورة الغرام
» &&^ كلمات البوم سوما دا حبيبي ^&&
الجمعة يونيو 25, 2010 3:15 pm من طرف امبراطورة الغرام
» &&^كلمات البوم رشيدي مش زي حد^&&
الجمعة يونيو 25, 2010 3:04 pm من طرف امبراطورة الغرام